3×3 basketbol üzrə Dünya Qadın Seriyasının Bakı mərhələsində ilk oyun gününün görüşləri keçirilib.
Sportagon.az xəbər verir ki, Azərbaycan millisi ilk təsnifat oyununda Benin yığmasını 21:3 hesabı ilə məğlub etsə də, ikinci matçda Braziliyaya 9:19 hesabı ilə uduzaraq turnirlə vidalaşıb.
Klubumuz “Neftçi” isə ilk qrup oyununda Çexiyanın “Praqa” komandasını 18:14 hesabı ilə məğlub edib. Bakı təmsilçisi ikinci görüşdə Litva millisinə 16:21 hesabı ilə uduzsa da, 1/4 finala yüksəlmək şansını saxlayıb.
Qeyd edək ki, qrupda ilk iki yeri tutan komandalar 1/4 finala vəsiqə qazanacaq. Bu mərhələnin oyunları iyulun 19-da keçiriləcək.
