Bakıda Beynəlxalq Boks Assosiasiyasının təşkilatçılığı və Azərbaycan Boks Federasiyasının dəstəyi ilə IBA Çempionlar Gecəsi keçirilib.
Sportagon.az xəbər verir ki, ilk dəfə “Sea Breeze Resort”da keçirilən turnirdə 6 döyüş baş tutub.
47,6 kiloqramda dünya çempionu Sübhan Mamedov Riçard Qardı (Filippin) üstələyib.
Sərxan Əliyev (70 kq) Nurtas Ajbenovu (Qazaxıstan), Səidcəmşid Cəfərov (72,6 kq) Nikolay Veselovu (Belarus) məğlub edib.
Tayfur Əliyev (60 kq) – Xurşidbek Rasuljonov (Özbəkistan) və Nəbi İsgəndərov (70 kq) – Hikmət Qarayevlə (Rusiya) duellərində “sülh” qeydə alınıb.
