Çexiya millisinin hücumçusu Patrik Şik milli karyerasını başa vurub.
Sportagon.az xəbər verir ki, bu barədə Çexiya yığmasının mətbuat xidməti məlumat yayıb. Qərar futbolçunun yığmasının DÇ-2026-dakı uğursuz çıxışından və turnirlə vidalaşmasından bir gün sonra verilib.
Xatırladaq ki, Çexiya millisi DÇ-2026-nın qrup mərhələsini cəmi bir xalla sonuncu, dördüncü pillədə tamamlayaraq mundialla erkən vidalaşıb. 30 yaşlı hücumçu turniri qolsuz və məhsuldar ötürməsiz başa vuraraq gözlənilən performansı göstərə bilməyib.
Qeyd edək ki, “Bayer”in şərəfini qoruyan Şik milli komandada debütünü 2016-cı ildə edib. O, yığmanın heyətində meydana çıxdığı 56 matçda 26 qol vurub və 6 məhsuldar ötürmə ilə yadda qalıb.
