UEFA Konfrans Liqasındakı təmsilçimiz “Neftçi” avrokuboklarda mübarizəyə start verəcək.
Sportagon.az xəbər verir ki, Yuri Vernidubun komandası II təsnifat mərhələsində “Dinamo” (Belarus) ilə üz-üzə gələcək. Matçı Kiprdən olan ədalət təmsilçiləsi idarə edəcəklər.
Görüş “Palms Sports Arena”da baş tutacaq və saat 20:00-da start götürəcək.
“Ağ-qaralar” növbəti mərhələyə vəsiqə qazansalar, “Jelezniçar” (Serbiya) – “Braqa” (Portuqaliya) cütünün qalibi ilə qarşılaşacaqlar.
Xatırladaq ki, paytaxt təmsilçisinin Minsk klubu ilə cavab matçı iyulun 30-da keçiriləcək.
UEFA Konfrans Liqası. II təsnifat mərhələsi (ilk oyun)
20:00 “Neftçi” (Azərbaycan) – “Dinamo” (Minsk, Belarus)
Baş hakim: Konstantinos Fellas
Yan xətt hakimləri: Marios Kaloqiru və Giorgios Xaralampus
Dördüncü hakim: Konstantinos Neofytou
“Palms Sports Arena”
