İngiltərə millisinin baş məşqçisi Tomas Tuxel DÇ-2026-nın yarımfinalında Argentina ilə keçiriləcək oyun barədə danışıb.
Sportagon.az xəbər verir ki, bu barədə Sky Sports məlumat yayıb.
Almaniyalı mütəxəssis hesab edir ki, Argentina və Lionel Messiyə qarşı oyun İngiltərə millisinin ən yaxşı futbolunu ortaya çıxaracaq: “Argentina kimi komanda və Lionel Messi futbolçularımızın ən yaxşı keyfiyyətlərini üzə çıxaracaq. Müdafiədə və hücumda ən yüksək səviyyədə çıxış etməliyik”.
Tuxel həmçinin bildirib ki, Norveçlə oyunda buraxılan texniki səhvləri təkrarlamaq olmaz: “Son oyunda çox texniki səhvlər etdik, ritmimizi itirdik. Argentina ilə görüşdə daha intizamlı oynamalıyıq”.
Baş məşqçi Messini tam dayandırmağın mümkün olmadığını da etiraf edib: “Biz onu tam dayandıra bilməyəcəyimizin fərqindəyik. O, Erlinq Halanddan tamamilə fərqli oyunçudur. Amma Norveçə qarşı çox yaxşı oynadıq və indi də Messiyə qarşı bir yol tapacağıq”.
Qeyd edək ki, İngiltərə – Argentina oyunu iyulun 15-də keçiriləcək.
