“Arsenal”ın sabiq yarımmüdafiəçisi Patrik Vieyra Seneqal millisinin baş məşqçisi ola bilər.
Sportagon.az xəbər verir ki, bu barədə L’Équipe nəşri məlumat yayıb.
Bildirilir ki, Seneqal Futbol Federasiyasının (FSF) bir sıra rəhbər şəxsləri məhz Vieyranın yığmaya rəhbərlik etməsini tövsiyə edib.
Yaxın vaxtlarda FSF İcraiyyə Komitəsinin DÇ-2026-dakı çıxışı müzakirə etmək üçün növbədənkənar iclas keçirəcəyi gözlənilir. Məhz həmin toplantıda baş məşqçi məsələsinin də gündəmə gələcəyi bildirilir.
Qeyd edək ki, Patrik Vieyra daha əvvəl Seneqalda ən böyük gənclər akademiyalarından birinin yaradılmasına maliyyə dəstəyi göstərib. Onun son iş yeri İtaliyanın “Cenoa” klubu olub.
Xatırladaq ki, Seneqal millisi 1/16 finalda Belçikaya 2:3 hesabı ilə uduzaraq turnirlə vidalaşıb.
