“Real”ın futbolçusu Franko Mastantuono karyerasını Türkiyə Super Liqasında davam etdirə bilər.
Sportagon.az xəbər verir ki, “Qalatasaray” argentinalı vingeri transfer etmək istəyir. Bu barədə “Fanatik” nəşri məlumat yayıb.
İstanbul nəhəngi 18 yaşlı futbolçunu icarəyə götürməyə çalışır. “Qalatasaray” gənc oyunçu üçün İspaniya klubu ilə danışıqları davam etdirir.
Qeyd edək ki, “Real” Franko Mastantuononu 2025-ci ilin yayında “River Pleyt”dən 45 milyon avroya transfer edib. Argentina millisinin üzvü 2025/26 mövsümündə Madrid təmsilçisinin heyətində meydana çıxdığı 35 rəsmi matçda 3 qol vurub.
