İspaniya millisinin müdafiəçisi Pedro Porro 2026-cı il dünya çempionatının finalında Argentina ilə keçirəcəkləri oyun barədə danışıb.
Sportagon.az xəbər verir ki, o, COPE-yə açıqlamasında qarşılaşmanın çox çətin keçəcəyini bildirib.
“Çox çətin oyun bizi gözləyir. İlk dəqiqədən son dəqiqəyədək gərgin mübarizə olacaq. Argentina təkcə fiziki cəhətdən güclü komanda deyil. Onların çox sayda yüksək səviyyəli futbolçusu var və əksəriyyəti Avropada çıxış edir.
Mənim üçün Messi bütün dövrlərin ən yaxşı futbolçusudur. Deyərdim ki, onu dayandırmaq mümkün deyil.
Ona görə də ilk növbədə öz oyunumuza köklənməliyik. Fransa ilə matçda da məhz belə etmişdik. Rəqibin güclü tərəflərini zərərsizləşdirməyə çalışdıq, amma əsas diqqəti öz çıxışımıza yönəltdik”.
Qeyd edək ki, İspaniya – Argentina arasında dünya çempionatının final görüşü bu gün, Bakı vaxtı ilə saat 23:00-da başlayacaq.
