Uruqvay millisinin qapıçısı Fernando Muslera DÇ-2026-nın H qrupunun son turunda İspaniyaya qarşı keçirilən oyunda (0:1) diqqət mərkəzinə düşüb.
Sportagon.az xəbər verir ki, təcrübəli qolkiper matçın 42-ci dəqiqəsində kobud səhvə yol verib. İspaniyanın hücumu zamanı Alexandro Baenanın uzaqdan vurduğu zərbəni tutmağa çalışan 40 yaşlı Muslera topu əllərindən buraxıb və qol olub.
Baş məşqçi Marselo Byelsa buraxılan qola əsəbiləşib. O, fasilədə Musleranı əvəzləyib. İkinci hissəyə Serxio Roçet çıxıb.
Qarşılaşma İspaniyanın 1:0 hesablı qələbəsi ilə başa çatıb. Bununla da qrup mərhələsində cəmi 2 xal toplayan Uruqvay millisi mundialla vidalaşıb. İspaniya qrup lideri, Kabo-Verde isə ikinci yerin sahibi kimi pley-offa yüksəlib.
