Argentina millisinin kapitanı Lionel Messi DÇ-2026-nın 1/16 finalında Kabo-Verde ilə oyundan (3:2) sonra rəqib qapıçı Vozinyanın çıxışını yüksək qiymətləndirib.
Sportagon.az xəbər verir ki, bu barədə jurnalist David Ornşteyn məlumat yayıb.
“Çoxlu qol imkanını qaçırdığıma görə bir qədər məyus idim. Amma bir qol vurdum və bu, çox vacib idi. Mənə dedilər ki, onun 40 yaşı var. Düzünü desəm, bugünkü oyunu məni heyrətləndirdi. Matçdan sonra onun yanına getdim, o da məni təbrik etdi”, – deyə Messi bildirib.
Qeyd edək ki, 40 yaşlı Vozinya bu görüşdə 8 seyv edib. Onlardan 5-i məhz Messinin zərbələrindən sonra reallaşıb.
Argentina millisi DÇ-2026-nın 1/8 finalında Misirlə qarşılaşacaq.
