FİFA meşə yanğınları səbəbindən Nyu-York və Nyu-Cersi ətrafında yaranan tüstüyə baxmayaraq, DÇ-2026-nln final oyununu təxirə salmaq niyyətində deyil.
Sportagon.az xəbər verir ki, bu barədə “Bloomberg” məlumat yayıb.
Daha əvvəl İspaniya və Argentina milliləri arasında keçiriləcək final matçının başqa vaxta keçirilməsinin mümkün olduğu bildirilsə də, FİFA-nın hazırkı mövqeyi dəyişməz olaraq qalır.
Qurumdan verilən açıqlamada vurğulanıb ki, turnir iştirakçılarının sağlamlığı üçün təhlükə yaranacağı təqdirdə təsdiqlənmiş xüsusi protokollar qüvvəyə minəcək. Həmin qaydalar vəziyyəti operativ qiymətləndirməyə və zərurət yaranarsa, oyunların keçirilmə formatına düzəliş etməyə imkan verir.
Mənbənin məlumatına görə, FİFA dünya çempionatının finalını təxirə salmağı planlaşdırmır. Qarşılaşma iyulun 19-u ABŞ-ın Nyu-Cersi ştatında yerləşən stadionda keçiriləcək. Oyun Bakı vaxtı ilə saat 23:00-da başlayacaq.
