Misir millisi DÇ-2026-nın 1/8 finalında Argentina ilə keçiriləcək oyundan öncə Atlantaya yollanıb.
Sportagon.az xəbər verir ki, komanda Dallasdan ABŞ-ın Atlanta şəhərinə yola düşüb. Bunu Misir Futbol Federasiyasının açıqlamasında yığmanın direktoru İbrahim Həsən təsdiqləyib.
Bildirilir ki, baş məşqçi və texniki heyət Avstraliya ilə 120 dəqiqə davam edən gərgin oyundan sonra futbolçulara bir günlük istirahət verib.
Qeyd edək ki, Misir millisi 1/16 finalda əsas və əlavə vaxtı 1:1 hesabı ilə başa çatan görüşdə Avstraliyanı penaltilər seriyasında məğlub edərək növbəti mərhələyə yüksəlib.
Qeyd edək ki, Misir yığması iyulun 7-də son dünya çempionu Argentina ilə üz-üzə gələcək.
