“Arsenal” mərkəz müdafiəçisi Vilyam Salibanın uzun müddət yaşıl meydanlardan kənarda qala biləcəyi ehtimalına görə yeni futbolçu axtarışına başlayıb.
Sportagon.az xəbər verir ki, bu barədə “Caught Offside” nəşri məlumat yayıb. Bildirilir ki, London klubu “Aston Villa”nın müdafiəçisi Ezri Konsa və “Vest Hem”in futbolçusu Konstantinos Mavropanosu transfer etmək variantını nəzərdən keçirir.
Xatırladaq ki, Saliba DÇ-2026-nın yarımfinalında Fransa və İspaniya milliləri arasında keçirilən oyunda (0:2) zədələnərək meydanı vaxtından əvvəl tərk etmişdi.
Qeyd edək ki, daha öncə 25 yaşlı futbolçunun bel nahiyəsindən aldığı zədə səbəbindən 4-5 ay yaşıl meydanlardan uzaq qala biləcəyi bildirilmişdi.
