“Qarabağ” heyətini daha bir futbolçu ilə gücləndirməyə hazırlaşır.
Sportagon.az xəbər verir ki, bu barədə belçikalı jurnalist Saşa Tavolyeri və Macarıstanın “Nemzeti Sport” nəşri məlumat yayıb.
Bildirilib ki, Ağdam klubu Macarıstanın “Zalaegerszeg” komandasının müdafiəçisi Bense Varkonyinin transferi ilə bağlı razılıq əldə edib.
“Qarabağ” 24 yaşlı macar mərkəz müdafiəçisi üçün 1 milyon avro ödəyəcəyi iddia olunub. Varkonyi ilə 3 illik müqavilə imzalanacağı bildirilir.
Qeyd edək ki, macar futbolçunun “Zalaegerszeg”lə hazırkı müqaviləsi 2026/27 mövsümünün sonuna qədərdir.
